شرد پوار کی رہائش گاہ پر حملے کے خلاف 107 ملازمین پر ایف آئی آر درج،
ادھو ٹھاکرے نے کی فون پر بات .
ممبئی پولیس نے این سی پی کے سربراہ شرد پوار کی حفاظت میں کوتاہی کے الزام میں 107 لوگوں کے خلاف مقدمہ درج کیا ہے۔ الزام ہے کہ مہاراشٹر اسٹیٹ روڈ ٹرانسپورٹ کارپوریشن (MSRTC) کے ملازمین نے پوار کے گھر پر دھاوا بول دیا تھا۔ اس دوران مظاہرین نے شرد پوار کی رہائش گاہ کی طرف جوتے اور چپل بھی پھینکے۔ اس معاملے میں وزیر اعلی ادھو ٹھاکرے اور بی جے پی لیڈر دیویندر فڑنویس نے اس واقعہ پر گہرے دکھ کااظہار کیا ہے . ٹھاکرے نے شرپوار سے فون پر بات کرکے ملزمین کے خلاف سخت کارروائی کا یقین دلایا۔
درحقیقت، جمعہ کو ایم ایس آر ٹی سی کے سینکڑوں ملازمین نے این سی پی سربراہ شرد پوار کی بیٹی اور رکن پارلیمنٹ سپریا سولے کو ان کے گھر کے باہر گھیر لیا۔ بتایا جا رہا ہے کہ اس دوران کچھ لوگوں نے سپریا سولے کے ساتھ بدتمیزی بھی کی۔ ان مظاہرین نے شرد پوار کے گھر کی طرف چپل اور جوتے بھی پھینکے۔ اس معاملے میں کاروائی کرتے ہوئے پولس نے 107 ملازمین کے خلاف مقدمہ درج کیا ہے۔ کچھ کو گرفتار بھی کیا گیا ہے۔
اس واقعہ کے بعد وزیر اعلی ادھو ٹھاکرے نے شرد پوار سے فون پر بات کی اور ان کی خیریت دریافت کی۔ ٹھاکرے نے پوار کو ملزمان کے خلاف سخت کاروائی کا یقین دلایا۔ بی جے پی لیڈر اور سابق وزیر اعلی دیویندر فڑنویس نے بھی اس واقعہ پر دکھ کا اظہار کیا ہے۔
ایم ایس آر ٹی سی ملازمین اپنے مطالبات کو لے کر گزشتہ سال نومبر سے ہڑتال پر ہیں۔ ان کا مطالبہ ہے کہ ان کے محکمہ کو ریاستی حکومت کے تحت لایا جائے اور انہیں ریاستی سرکاری ملازمین کا درجہ دیا جائے۔ بامبے ہائی کورٹ نے احتجاج کرنے والے ملازمین کو 22 اپریل تک ڈیوٹی میں شامل ہونے کو کہا تھا۔ ہائی کورٹ کا حکم آنے کے بعد، ریاستی ٹرانسپورٹ کے وزیر انل پرب نے احتجاج کرنے والے تمام ملازمین کو یقین دلایا تھا کہ اگر وہ سپریم کورٹ کی ڈیڈ لائن سے پہلے ڈیوٹی جوائن کرتے ہیں تو ان کے خلاف کوئی کاروائی نہیں کی جائے گی۔ اس دوران احتجاجی کارکن شرد پوار کے ممبئی میں واقع رہائش گاہ سلور اوک کے سامنے پہنچے اور احتجاج شروع کردیا۔
کوئی تبصرے نہیں:
ایک تبصرہ شائع کریں